Para Xóvenes Agricultores o plan lácteo do Ministerio debe retirarse de inmediato e comenzar a negociar un novo que teña en conta a realidade do sector nun momento onde se están a producir novidades importantes tales como a máis que previsible desaparición de cotas no ano 2015 e unha importante baixa da producción nos mercados mundiais. A nosa organización ten igualmente moi en conta que, na situación actual, este plan perxudica gravemente os intereses dos gandeiros galegos.
Para calibrar a gravidade da situación so fai falla analizar a aplicación do plan nos dous últimos anos: na campaña 2005-2006 repartíronse 290.000 Tm das cales a Galicia lle corresponderon 177.000, é decir un 61,48% do total, mentras que na última campaña, coa incorporación da rexionalización das cotas, repartíronse 240.000 Tm das cales foron para os nosos gandeiros en torno as 100.000 Tm, un 42,5% do total.
Ademáis na campaña 2005-2006, un total de 7.873 explotacións recibiron cota e nesta foron escasamente 2.400 as que viron incrementada a súa cota.
De seguir con este plan lácteo, Galicia terá cada día máis difícil acadar cota. O cal é especialmente agraviante se temos en conta que a baixa da producción leiteira en todo o Estado foi, na ultima campaña, dun 1,75% (porcentaxe similar a do resto de países da UE e dos principales productores mundiais), mentres que na nosa comunidade aumentou un 2,51%.
Polo tanto, desde XXAA reclamamos un novo plan onde se contemple a transferencia de cotas entre particulares, un abandono indemnizado, que en ningún caso pode ser a un menor prezo ca na anterior campaña, e un reparto de cota totalmente gratuíto, xa que a amortización da mesma ante o novo escenario da política europea e máis que dubidosa, e debemos recordar que so nos dous últimos plans os gandeiros galegos desembolsaron máis de 53 millóns de euros.
Esta situación impide que a maioría das explotacións poidan incrementar a súa producción. De feito, nesta campaña soamente o fixeran algo máis de 2.000 das 15.000 existentes na nosa comunidade, algo que na maior parte delas é necesario para facer fronte o aumento do costo de pensos, abonos, gasóleo, luz e demáis imputs da explotación; iso sin ter conta as desproporcionadas medidas fiscais establecidas polo Goberno.
Por outra banda, Xóvenes Agricultores demanda da industria unha politica seria , profesional e con acordos que teñan en conta a todo o sector, e que desbote decisións unilaterais como a da última baixada de prezos, que segundo tódolos indicadores de mercado era totalmente injustificada. De feito, e dado a actual situación dos mercados o pago aos productores deberíase incrementar por riba dos 6-7 cts. de euro por litro.
Santiago a 5 de xullo de 2006
Deja un comentario