O sindicato Unións Agrarias está a analizar as últimas accións e novidades que chegan da marca CLESA e que a xuízo da organización empresarial non veñen máis que engadir incerteza e dramatismo á situación dos primeiros compradores e gandeiros que dependen desta empresa láctea en Galicia.

Neste sentido, CLESA e concretamente, a súa planta en Caldas de Reis, vén de anunciar que deixará de prover as marcas brancas de varios supermercados e grandes superficies, unha situación que se pode agravar pola ameaza de bloque total da produción da planta debido á falta de materia prima.

Para Unións Agrarias, esta é unha situación límite que agrava o sector lácteo e demanda encarecidamente o apoio da Xunta de Galicia nesta causa que pasa polo anuncio inmediato de aval económico por parte do IGAPE das operacións das seis primeiras empresas compradoras a gandeiros Galegos.

Na Comunidade galega están afectados polas decisións empresariais de CLESA 160 empregados da planta da marca en Caldas de Reis, 6 empresas de primeiros compradores, provedores da marca, e 523 explotacións que a sorten que non vén con preocupación a viabilidade da súa explotación e polo tanto a súa supervivencia.

Para a organización sindical é indispensable e totalmente necesaria que o Goberno galego tranquilice ao sector lácteo co fin de dar estabilidade ao mercado e non xerar así unha situación de crise maior. De non darse este aval, cabe a posibilidade de que esta situación se contaxie a outras industrias e que sufra as consecuencias o prezo do leite cunha baixada do mesmo, o que prexudicará aos gandeiros que están a afrontar serias dificultades na actualidade derivadas do alto prezo dos insumos.

Con fin de analizar mais pormenorizadamente a situación de primeiros compradores e gandeiros en Galicia afectados pola empresa CLESA, responsables sindicais reuniranse nos próximos días con directivos de Nueva Rumasa, con responsables da Consellería de Medio Rural e co IGAPE. Unions Agrarias espera acadar unha saída o máis beneficiosa posible para os gandeiros e empresas afectadas, evitando graves prexuízos e danos no sector primario galego. De non ser así, iniciará un calendario de mobilizacións.